Samsung kynnti í dag snjallúr sem hefur marga af helstu kostum snjallsíma. Úrið er með litaskjá, getur tekið við skilaboðum, hægt er að nota það sem síma og hægt er að hlaða í það smáforritum.
Galaxy símar Samsung eru í dag mest seldu snjallsímar í heimi. Snjallúrinu er ekki ætlað að koma í stað snallsíma heldur er það hugsað sem aukabúnaður við símann. BBC hefur eftir sérfræðingum að það geti þýtt að úrið eigi ekki eftir að slá í gegn með sama hætti og Galaxy símarnir.
Samsung hefur lýst því yfir að sala á vörum frá fyrirtækinu hafi minnkað og því bíða fjárfestar eftir því hvort fyrirtækinu tekst að setja á markað vöru sem á eftir að auka söluna á ný.
Sala á snjallúrinu hefst 25. september.