Líftími raftækja er að styttast, bæði vegna þess að tækin sjálf virðast endast skemur en þau gerðu áður og vegna þess að neytendur vilja kaupa nýjustu útgáfur tækja í stað þeirra gömlu. Rannsókn þýsku umhverfisstofnunarinnar leiðir þetta í ljós.
Tilgangurinn rannsóknarinnar var að kanna fullyrðingar um að raftækjaframleiðendur væru viljandi farnir að framleiða tækni sem entust skemur til þess að auka sölu á vörum sínum. Ekki fékkst afgerandi niðurstaða um það en þó kom í ljós að tæplega 5% aukning varð á átta ára tímabili á hversu margir keyptu vörur í stað tækja sem höfðu bilað.
Þá kom í ljós að hlutfall heimilistækja sem skipt var út innan við fimm árum eftir að þau voru keypt jókst úr 7% árið 2004 í 13% árið 2013. Stórum hluta þeirra var skipt út eftir að eldra tæki hafði gefið sig.
Hins vegar kom einnig í ljós að allt að þriðjungur þeirra ísskápa og þvottavéla sem fólk keypti var vegna vilja fólks til að eiga nýrri græjur þrátt fyrir að gamla tækið virkaði enn sem skildi.