Bandarísk neytendasamtök hafa ákveðið að afturkalla um eina milljón farsíma af tegundinni Samsung Galaxy Note 7. Ástæðan er sú að upp hafa komið tilvik þar sem kviknað hefur í rafhlöðum þessara nýju síma.
Frétt mbl.is: Noti ekki Samsung vegna eldhættu
Suður-kóreska raftækjarisanum hafa borist 92 tilkynningar um að ofhitnun rafhlaðanna í Bandaríkjunum. Þar af hefur 26 sinnum kviknað í þeim og 55 sinnum hafa eignaskemmdir orðið af völdum þeirra, meðal annars í bílum og í bílskúr.
Samsung hefur ráðlagt neytendum í tíu löndum að skipta út farsímum sínum af tegundinni Samsung Galaxy Note 7 fyrir annars konar síma þangað nýr Note 7-sími fer í sölu.
Margir hafa hunsað þá ráðleggingu og kjósa frekar að bíða þangað til nýju símarnir koma í stað þess að nota annars konar síma í millitíðinni.