Sakar olíufyrirtæki um „stóra lygi“
Setja bókamerki
Aðalframkvæmdastjóri Sameinuðu þjóðanna, Antonio Guterres, sakar olíufyrirtæki um „stóra lygi“ í tengslum við hlutverk þeirra í hlýnun jarðar og vill að þau verið látin sæta ábyrgð.
„Sumir hjá stóru olíufyrirtækjunum buðu upp á stóra lygi,“ sagði Guetters á ráðstefnu Alþjóðaefnahagsráðsins (e. World Economics Forum) í svissnesku borginni Davos.
Vika er liðin síðan rannsókn var birt þar sem kom fram að fyrirtækið ExxonMobil vísaði á bug niðurstöðum sinna eigin vísindamanna um hlutverk jarðefnaeldsneytis í loftslagsbreytingum.
„Við fréttum af því í síðustu viku að ákveðnir framleiðendur jarðefnaeldsneytis vissu það fyllilega á áttunda áratugnum að helsta varan þeirra var að baka plánetuna okkar,“ sagði Guterres.
„Alveg eins og með tóbaksiðnaðinn þá hlustuðu þeir ekki á sín eigin vísindi,“ bætti hann við. „Og alveg eins og með tóbaksiðnaðinn þá verða þeir sem báru ábyrgð á þessu að svara til saka.“
Árið 1998 náðu bandarísk ríki tímamótasátt um að tóbaksfyrirtæki skyldu greiða 246 milljarða dollara til að bæta fyrir kostnaðinn sem hafði hlotist af læknismeðferðum reykingafólks.
Í niðurstöðum rannsóknar sem ExxonMobil birti í tímaritinu Science í síðustu viku kom fram að vísindamenn fyrirtækisins sáu hlýnun jarðar fyrir „með sjokkerandi nákvæmni“. Þrátt fyrir það kemur fram að fyrirtækið hafi eytt næstu tveimur áratugum í að afneita þessum sömu loftslagsvísindum.
Tveir í bílnum sem lenti utan vegar
Banna mengandi búnað sem leyfður er á Íslandi
Skiptir miklu meira máli en fólk grunar
Sex hafa greinst með listeríu
Væri að ljúga ef ég segðist ekki stressaður
Beint: Frambjóðendur skila inn listum
„Höfum ekki náð að skríða upp úr þeirri gryfju“
Krefjast stöðvunar framkvæmda