Bændur sjá fyrir sér mikla möguleika við Langasjó

„Við erum að auglýsa bleikjuveiði á stöng í Langasjó og ferðamennsku þar sem við sjáum fyrir okkur siglingar á sjónum,“ segir Sigfús Sigurjónsson, bóndi á Borgarfelli í Skaftártungu.

Vísar hann til þess að Veiðifélag Skaftártungumanna, sem samanstendur af 20 landeigendum, auglýsir nú eftir tilboðum í útleigu á veiðirétti í Langasjó og aðliggjandi vötnum, alls níu talsins, ásamt afnotum af veiðihúsi.

Aðspurður segir hann veiðihúsið við Langasjó vera lítið en nokkuð nýlegt svo notagildi þess sem afdrep er gott. Veiði í Langasjó hefur verið með dræmara móti að undanförnu en straumur göngufólks hins vegar stóraukist enda fjölmargar gönguleiðir í nágrenninu. Telur Sigfús mikil tækifæri leynast til framtíðar í tengslum við ferðaþjónustu á svæðinu og nefnir í því samhengi sérstaklega bátasiglingar á Langasjó.

Seinustu hundraðkallar sumarsins