Mæðgurnar Sólveig Eiríksdóttir og Hildur segja að falafelbollur séu alveg tilvaldar í vefjuna ásamt grænmeti og t.d. avókadósósu.
„Falafel er í alveg sérstöku uppáhaldi hjá okkur mæðgum. Gott falafel sameinar svo listilega „juicy“ máltíð og góða næringu. Heimalagaðar falafelbollur eru einfaldar í framkvæmd og aðeins hollari en skyndibitaútgáfan, ef við veljum að baka bollurnar í ofni frekar en að djúpsteikja þær“segir Sólveig. Hér má sjá uppskrift af falafelbollum frá þeim, nánari upplýsingar fást á síðunni þeirra mæðgurnar.is
Uppskriftin
Falafelbollur
<ul>
<li>2 bollar soðnar kjúklingabaunir</li>
<li>2 bollar ferskur kóríander</li>
<li>1 bolli smátt rifinn kúrbítur, safinn kreistur úr honum</li>
<li>1 rauðlaukur, smátt saxaður</li>
<li>4 msk möndlusmjör</li>
<li>2 msk sítrónusafi</li>
<li>1 msk sítrónuhýði</li>
<li>2 hvítlauksrif eða 1 msk þurrkaður hvítlaukur (krydd)</li>
<li>1 tsk chili</li>
<li>1 tsk cuminduft</li>
<li>1 tsk malaður kóríander</li>
<li>1 tsk sjávarsalt</li>
</ul>
Aðferð
- Rífið kúrbítinn, stráið yfir hann 1/2 tsk af sjávarsalti og látið hann standa á meðan þið finnið til restina af uppskriftinni.
- Setjið allt nema kúrbítinn í matvinnsluvél, en bíðið með að mauka.
- Kreistið vökvann úr kúrbítnum (Okkur finnst gott að setja hann í spírupoka og kreista).
- Bætið kúrbítnum út í matvinnsluvélina. Blandið þar til þetta er orðið að grófu deigi.
- Gott að nota ískúluskeið til að búa til litlar bollur. Gott að rúlla hverja bollu smá stund í lófanum áður en þær eru settar á bökunarpappír svo þær haldi forminu sem best og detti síður í sundur.
- Bakið við 200°C í um 20-25 mín. Snúið bollunum eftir ca 10 - 12 mín.
Heimatilbúnar falafelbollur.
Skjáskot maedgurnar.is