Matarvefurinn spurðist fyrir á nokkrum vinsælum börum í bænum um hvaða kokteill væri vinsælastur um þessar mundir. Basil-gimlet var oft nefndur í því samhengi í bænum en hann er þó langt frá því að vera nýr af nálinni og myndi því frekar flokkast sem klassík. Moscow-Mule var einnig oft nefndur sem og Wiskey-Sour, Espresso-martini og Apparol-Spritz en þær uppskriftir munu birtast á næstu vikum.
Ábending frá fagmanni: Kokteilsérfræðingurinn sem við ræddum við ítrekaði mikilvægi þess að kreista lime-safann samdægurs til að fá sem ferskast bragð. Sé afgangur af safanum er tilvalið að frysta hann í klakaboxi og eiga frískandi klaka út í kokteila, sódavatn eða morgunhristinginn.
Basil Gimlet
3 cl Beefeater gin eða annað gott gin
3 cl Ferskur lime-safi
3 cl Sykursíróp
2-3 lauf af fersku basil
Allt sett í hristara og hrist vel.
Klakinn tekinn frá og sett i Martini-glas
Skreytt með einu basillaufi.