Uppskrift

Kanilfylling:

• 2 msk. smjör
• 1 msk. púðursykur
• 1 tsk. kanill

Rjómaostkrem:

• 2 msk. smjör
• 3 msk. rjómaostur
• 6 msk. flórsykur
• nokkrir vanilludropar

Pönnukökudeig:

• 130 gr hveiti
• 1 tsk. lyftiduft
• salt á hnífsoddi
• 1 egg
• 1 tsk. olía
• 120 ml mjólk

Aðferð:

1. Byrjið á kanilfyllingunni. Blandið saman smjöri, púðursykri og kanil í frystipoka eða skál. Leggið til hliðar.
2. Rjómaostkremið er gert með því að bræða smjörið í potti og bæta við rjómaostinum. Hrærið kröftuglega í og þá munu hráefnin blandast örugglega. Bætið við flórsykri, einni skeið í einu, og blandið að lokum vanilludropum saman við. Leggið til hliðar.
3. Pönnukökudeigið gerið þið með því að sigta þurrefnin saman í skál. Bætið við mjólk, eggi og olíu og hrærið saman. Þegar blandan er orðin þykk og fín skulið þið setja hana í passlegum skömmtum á pönnuna. Best er að nota pönnu sem ekki þarf að smyrja. Hver pönnukaka ætti að vera 10-15 sm í þvermál. Látið steikjast á miðlungshita í nokkrar mínútur þar til litlar loftbólur eru farnar að myndast á hliðunum.
4. Þá tekurðu kanilfyllinguna og hér kemur frystipokinn að góðum notum. Best er að klippa lítið horn á hann til að geta sprautað fyllingunni í fallega hringi eins og sést á myndinni. Því næst snúið þið pönnukökunni við og steikið í rólegheitunum í þrjár mínútur eða svo.
5. Steikið allar pönnukökurnar með þessum hætti uns deigið er uppurið.
6. Síðan skaltu hita upp rjómaostfyllinguna og sprauta henni yfir pönnukökurnar. Þetta er í alvörunni svo gott að við spáum þessari uppskrift gríðarlegum vinsældum.