Það sannast enn á ný að allt er nú til. Ameríska afsláttarsíðan Groupon hefur hafið framleiðslu á naglalakki með Prosecco-bragði en Prosecco er ákaflega vinsæl tegund af ítölsku freyðivíni.
Hugmyndin er að við leiðinlegar aðstæður svo sem þrúgandi fundi megi stinga upp í sig fingrinum og fá bragð af freyðivíni til að auðvelda sér lífið um stutta stund. Naglalakkið inniheldur í raun alvöru Prosecco og ku vera ansi bragðgott. Það ilmar einnig af Prosecco. Hvort það er góð hugmynd að byrja að sjúga fingurna við hinar og þessar aðstæður er þó annað mál. Hér er hægt að panta naglalakkið.