Stefán Karl bakaði einhyrningsköku

Leikarinn og ljúfmennið Stefán Karl Stefánsson bakaði stórkostlega einhyrningstertu handa Júlíu dóttur sinni sem á afmæli á morgun. „Júlía bað um þetta sem þema og ég brást ekki áskoruninni og tók þetta alla leið,“ segir Stefán. Afmælisbarnið var alsælt með árangurinn en tertan var með vanillubragði og þótti einstaklega gómsæt. Bökunarfrensý-inu er þó ekki lokið þar sem fjölskyldan kemur í afmæli á morgun. „Þetta er heil afmælishelgi hér á bæ,“ segir Stefán en hann er búinn að baka rosalega súkkulaðisprengju fyrir morgundaginn. Glanni glæpur kemur sífellt á óvart! Hann gerir þó lítið úr bökunarafrekum sínum og viðurkennir að hann kunni ekki að elda. „Steina kann ekki að baka og ég kann ekki að elda mat, fullkomið hjónaband!“