Fyrir 1

200 g biti af laxi
ólífuolía
krydd að eigin vali fyrir laxinn
2 sneiðar af ferskum ananas
1 jalapenjo
lambhagasalat
2-3 þykkar sneiðar af avókadó
hamborgarabrauð
barbeque-sósa (má sleppa)

Kryddið laxinn með eftirlætiskryddinu ykkar. Penslið avókadóið og ananasinn með ólífuolíu.

Grillið laxinn í 10-12 mínútur eða þar til hann er fallega gylltur. Grillið einnig avókadóið og ananasinn, tekur svipaðan tíma en avókadóið er um 5 mínútur á grillinu.

Áður en meðlætinu er svo raðað á borgarann er líka hægt að skera avókadóið niður í litla bita. Þeir sem kunna að meta barbeque-sósu geta prófað að setja smávegis af henni á borgarann með límónumajónesinu.

Límónumajónes

3 msk. safi úr límónu
2 hvítlauksrif
1 tsk. hot sauce, helst Sriracha
nokkrar msk. ferskt kóríander, fínt skorið
1 bolli majónes
3 msk. sýrður rjómi
salt og pipar eftir smekk

Blandið öllu nema majónesinu og sýrða rjómanum saman í matvinnsluvél. Hrærið að lokum majónesinu og sýrða rjómanum varlega saman við. Kælið áður en þið berið fram. Gera má sósuna sterkari með því að bæta við meiri Sriracha en farið varlega.