Dolce&Gabbana og Smeg í samstarf

Dolce&Gabbana og raftækjaframleiðandinn Smeg kynntu nýverið samstarfsverkefnið Sicily Is My Love, þar sem hönnuðirnir, sem njóta vinsælda bæði í tísku- og hönnunarheiminum, hafa gefið út línu af eldhúsvörum sem á að sameina fágun og ítalskan uppruna merkjanna. Þetta er í annað sinn sem Smeg leitar til tískurisans um hönnun á heimilistækjum en von er á gúmmelaðinu í lok árs. Í línunni er meðal annars að finna hraðsuðuketil, ristavélar, ísskápa og hrærivélar. Raftækin eru ákaflega litrík og sverja sig í stil Dolce&Gabbana en hver ísskápur er handmálaður og því enginn eins. Ísskáparnir munu kosta frá 5 milljónum en Eirvík umboðsaðili Smeg á Íslandi mun selja stærri heimilistæki á borð við ísskápa en minni tækin verða að öllum líkindum fáanleg í Hrím í lok árs.