Krossviðsplötur eru um margt merkilegur efniviður. Þær geta verið gríðarlega fallegar og eru ódýr kostur. Það er kannski þess vegna sem litið hefur verið fram hjá þeim en við tókum saman nokkur gullfalleg eldhús þar sem krossviður er í aðalhlutverki og útkoman er frábær.
Það er kannski ekki síst í sumarhúsum þar sem krossviðurinn á sérstaklega vel við. Þá má jafnvel klæða veggi með honum en það er ekkert sem segir að sjálfgefið efnisval í veggklæðningum þrufi að vera panill. Fallega pússaður og varinn krossviður er oftar en ekki mikil prýði eins og þessar myndir sýna.