Matur | mbl | 4.8.2017 | 19:35

Grilluð nautaspjót með reyktri chimichurri sósu

Ljósmynd: Feasting at Home

Ef þetta er ekki hin fullkomna grillmáltíð þá vitum við ekki hvað. Hér eru nautaspjót þrætt upp á spjót en hæglega má skipta nautinu út fyrir lamb og er það alls ekki síðra. Chimichurri sósan er síðan argentínsk sósa sem setur svo sannarlega punktinn yfir i-ið.

Grilluð nautaspjót með reyktri chimichurri sósu

900 g nautakjöt - lund, rib-eye eða sirloin - skorið í 4 sm ferninga
30 ml olía
30 ml lime safi, geymið einnig börkinn af einni límónu
2 hvítlauksgeirar, fínt saxaðir
1 tsk laukduft
1 tsk oregano duft
1 tsk cumin
2 tsk salt
½ tsk pipar
Cherry tómatar og sætir laukar (e. sweet onions)

Chimichurri sósa

1 búnt sílantró
120 ml ólívuolía
30 ml limesafi
1 jalapeno
½ bolli laukur, smátt skorinn
1 hvítlauksgeiri
1 tsk kóríander
½ tsk reykt paprikuduft
½ tsk salt

Sílantró hrísgrjón

2 bollar vatn
1 bolli hrísgrjón, vel skoluð
Salt á hrífsoddi
¼ bolli sílantró, saxað
½ bolli vorlaukur, saxaður
1 límóna
Til skreytinga: Límónubátar og saxað sílantró

Aðferð:

Leggið 8 löng spjót í bleyti í volgu vatni.
Skerið kjötið í ferninga og setjið í poka eða í meðalstóra skál.
Blandið saman olíu, lime safa og berki (rifnum), kryddi, salti og pipar í litla skál. Hellið yfir kjötið og lokð pokanum. Hristið pokann þannig að allt kjötið sé vel þakið kryddlegi. Leggið til hliðar.
Hitið grillið.
Setjið vatn og hrísgrjón í meðal stórann pott og látið suðuna koma upp. Lækkið undir og látið sjóða í 20 mínútur.
Á meðan hrísgrjónin sjóða skal gera Chimichurri sósuna.
Setjið öll hráefnin sem eiga að fara í sósuna í blandara og blandið í 10 sek. eða þar til silantróið og laukurinn eru orðin vel maukuð. Sósan má vera dáldið „kekkjótt“ en ekki meira en eðlilegt gæti talist með pestó. Setji í litla skál og setjið til hliðar.
Þræðið spjótin með kjöti, tómötum og lauk til skiptis: Kjöt, tómatur, kjöt, laukur, kjöt o.s.frv. þar til spjótið er fullt. Það ættu að vera 3-4 bitar af kjöti á hverju spjóti.
Grillið spjótin á meðal háum hita og fylgist vel með þeim og hreyfið þau til reglulega. Grillið þau þar til kjötið er orðið eins og þið viljið hafa það.
Setjið hrísgrjónin í skál og kreistið límónuna yfir og dreyfið sílantróinu og vorlauknum yfir.
Berið fram með spjótunum og Chimichurri sósunni.