Þorsteinn Ásgrímsson aðstoðarfréttastjóri mbl.is er matgæðingur mikill. Hann á heiðurinn af þessu dásamlega pestói sem sló rækilega í gegn meðal starfsfólks Árvakurs. Ég er viss um að þetta pestó er sannkölluð snilld ofan á ofnbakaðan kjúkling eða í kaldar vefjur með grænmeti.
Grænkálið er úr garðinum hjá honum en ræktunarskilyrði í Garðabæ virðast með eindæmum góð en Þorsteinn kemur nánast daglega með full box af gúmmelaði úr garðinum.
Guðdómlegt grænkálspestó
1 dl furuhnetur
0,5 - 1 dl góð olía
2-4 hvítlauksrif eftir smekk
3 væn grænkálsblöð
1/3 hluti af fetakubb (þessum stóra frá MS)
Smá svartur pipar malaður
Allt sett saman í matvinnsluvél og maukað saman en varist að ofmauka.