Matur | mbl | 21.10.2017 | 11:09 | Uppfært 23.10.2017 9:13

Fimm mínútna tertan sem ærði Sigga

Siggi var ánægður með glaðninginn frá Alberti. mbl.is/Siggi Gunn

Bergþór Pálsson mætti í viðtal til Sigga Gunnars á K100 og hafði með sér forláta köku sem sambýlismaður hans, Albert Eiríksson, hafði sent hann með. Albert er lesendum Matarvefjarins að góðu kunnur enda afar snjall í eldhúsinu og við elskum bloggið hans.

Við hvetjum ykkur til að hlutsta á hlusta á viðtalið enda er það með afbrigðum skemmtilegt eins og við er að búast þegar herramenn á borð við Sigga og Bergþór ræða lífsins mál.

Sjá frétt: Þjónn tónlistarinnar (eða Albert og Siggi leysa lífsgátuna)

Eplaterta á 5 mínútum

4 epli
safi úr einni sítrónu
ca 200 g makkarónukökur (uþb 2/3 úr poka)
1/4 l rjómi
1 lítil dós KEA-vanilluskyr
smá vanilla

Aðferð:

Rífið eplin í skál og kreistið sítrónusafann yfir. Myljið makkarónukökurnar frekar gróft og blandið saman við. Setjið í form – þjappið laust. Þeytið rjómann, bætið skyrinu og vanillunni saman við og setjið yfir eplin. Jafnið með sleikju og stráið í lokin kakói yfir.

Til tilbreytingar má nota gríska jógúrt í staðinn fyrir vanilluskyr og blanda ferskum jarðarberjum saman við.