Vinsældir ilmkerti virðast engum hæðum geta náð. Ilmkerti fyrir mörg þúsund mokseljast og virðist fólk ekki setja fyrir sig að eyða á bilinu 5-10 þúsund fyrir vænt ilmkerti. Ilmkertin koma í ótrúlegustu ilmum og jafnvel með kveik sem snarkar eins og arineldur.
En hvernig er best að brenna kertin til að láta rándýran unaðinn lifa lengur ? Hér koma nokkur ráð frá sérlegum ilmkertaséníum.
1. Fyrst þegar kveikt er á kertinu skal láta það brenna alveg út að börmum kertisins. Þá brennur það jafnar eftir
2. Kveikurinn á það til að verða mjög langur og jafnvel mynda kúlu á endanum á kveiknum. Kúluna skal klippa burt og leitast við að hafa kveikinn jafn stuttan og þegar þú kveiktir fyrst á kertinu. Þá ósar kertið heldur ekki.
3. Góð ilmkerti gefa ilm fljótlega eftir ða kveikt er á þeim. Þá má vel láta það brenna út að börmum og slökkva svo en lyktin lifir nokkuð lengi eftir að slökkt hefur þar sem vaxið er bráðið.