Þetta finnst okkur svo snjallt að við misstum það pínu. Hér er um að ræða pestójólatré sem snillingurinn hún Svafa á Ljúfmeti og lekkerheit á heiðurinn af. Þetta virðist fremur viðráðanlegt og þarfnast frekar verkvits en endilega eðlisgreindar þannig að það ættu allir að ráða við þetta – líka þeir sem blómstra ekkert endilega í eldhúsinu.
En lekkert er það og við erum nokkuð viss um að það muni slá í gegn.
Pestójólatré
Rúllið annari smjördeigsrúllunni út á ofnplötu. Smyrjið pestó yfir og leggið hina smjördeigsrúlluna yfir. Þrýstið saman þannig að ekkert loft sé á milli. Skerið út jólatré og skerið síðan lengjur upp jólatréð sem er síðan snúið til að mynda greinar. Penslið jólatréð með upphrærðu eggi og stráið maldonsalti yfir. Bakið við 200° á blæstri í um 10-12 mínútur eða þar til jólatréð er orðið loftkennt og hefur fengið fallegan lit. Berið strax fram. Gestirnir brjóta greinar af trénu og borða eins og stangir.