Jólasveinahúfur í bollakökuformi

Kökur

• 220 gr. smjör við stofuhita (plús til að smyrja með)
• 150 gr. sykur
• 150 gr. púðursykur
• 2 egg
• 2 tsk. vanilludropar
• 270 gr. hveiti
• 1 tsk. matarsódi
• 1/2 tsk. salt
• 120 gr. súkkulaðidropar

Jólasveinahúfur

• 35-40 jarðarber
• 400 ml rjómi 
• 1 tsk. vanillusykur
• 2 msk. flórsykur

Aðferð:

1. Þeytið saman smjör og báðar tegundir af sykri þar til þetta er létt og ljóst. Blandið þá eggjunum og vanilludropum saman við, þeytið áfram og skafið niður á milli. 
2. Hrærið þurrefnunum saman í skál og blandið saman við smjörblönduna í nokkrum skömmtum, skafið niður á milli. 
3. Vefjið að lokum súkkulaðidropunum saman við deigið, plastið það næst og kælið í að minnsta kosti klukkustund (líka í lagi að kæla yfir nótt). 
4. Hitið ofninn á 175 gráðu og smyrjið lítil ál-bollakökuform vel að innan með smjöri (líka upp fyrir kantana). 
5. Setjið um eina msk. af deigi í hvert hólf og bakið í 10-13 mínútur eða þar til kökurnar fara aðeins að gyllast í köntunum. 
6. Kælið stutta stund og takið næst úr formunum og leyfið þessu að kólna alveg. Best er að snúa upp á kökurnar til að ná þeim úr eða nota lítinn beittan hníf. 
7. Skreytið með rjóma og jarðarberjum. 

Jólasveinahúfur

1. Skerið aðeins að ofan af jarðarberjunum og geymið þau á meðan þið þeytið rjómann. Setjið rjóma, vanillusykur og flórsykur saman í skál og þeytið þar til þetta er stífþeytt. 
2. Setjið rjómann í sprautupoka og sprautið ofan á hverja köku, leggið næst jarðarberjahatt ofan á rjómann og sprautið síðan litlum rjómadúsk á endann á jarðarberinu. 
3. Geymið í kæli þar til bera á kökurnar fram.