Heitur eplahleifur að hætti Jönu
Heitur eplahleifur að hætti Jönu er fínn með morgunkaffinu eða bara þegar þig langar að gera vel við þig.
Samsett mynd
Setja bókamerki
Hér er á ferðinni uppskrift að dásamlegum eplahleif sem gott er að bera fram með þeyttum rjóma eða vanillu- og kókosjógúrti á góðum degi. Eplahleifurinn á vel við með morgunkaffinu og síðdegiskaffinu eða bara þegar þig langar að gera vel við þig. Heiðurinn af þessari uppskrift á Kristjana Steingrímsdóttir, heilsukokkurinn knái sem flestir þekkja undir nafninu Jana. Jana deildi með fylgjendum sínum á Instagram uppskriftinni að eplahleifinum ásamt aðferð.
Heitur eplahleifur
- 2 egg
- ½ bolli vanillu- og kókosjógúrt frá Veru Örnudóttur eða tegund að eigin vali
- ½ bolli mjólk að eigin vali
- ⅓ bolli akasíhunang
- ¼ bolli kókosolía
- 1 tsk. vanilla
- 1 bolli möndlumjöl
- 2 bollar haframjöl
- 1 tsk. lyftiduft
- ¼ tsk matarsódi
Aðferð:
- Hitið ofninn í 180°C hita.
- Meðan eplin og döðlurnar eldast (sjá uppskrift fyrir neðan) blandið þá öllum þurrefnum saman í skál og hrærið saman.
- Bætið næst blautu hráefnunum við þurru blönduna og hrærið vel saman.
- Hellið í brauðform og hellið eplatoppnum þar ofan á.
- Setjið hleifinn inn í ofn og bakið í um það bil 35-45 mínútur.
- Stingið prjóni inn að miðju til að athuga hvort að hleifurinn er tilbúinn.
- Þegar prjónninn kemur hreinn út er hleifurinn klár.
- Látið kólna aðeins.
Eplatoppur
- 3 lífræn epli, skorin í litla teninga
- 1 msk. akasíuhunang
- 10 döðlur, skornar í bita
- 1 tsk. kanill
Aðferð:
- Setjið allt hráefnið á pönnu og hitið á miðlungshita í um 15 mínútur.
Innviðagjald skili 30 milljörðum
Fjöldi brota ríflega sexfaldaðist
Níu milljónir í auglýsingar til erlendra miðla
Ók á ofsahraða á móti umferð og uppi á stétt
Hjólandi fjölgar hægt en örugglega
Gosopið gæti stækkað á ný: „Eitthvað í aðsigi“
Eru að vakta stöðuna í bólusetningum barna