Matur | mbl | 14.2.2024 | 16:00

Himnesk tveggja hráefna Valentínusarvaffla

Hnetusmjörsvöfflur eru hreint lostæti og lífga svo sannarlega upp á hversdagsleikann. Ljósmynd/Aðsend

Það er alltaf jafn vinsælt að skella í vöfflur og á sumum heimilum eru vöfflur órjúfanlegur hluti helgarfríanna. Það er fátt sem toppar hinar hefðbundnu vöfflur en þessi ofur einfalda uppskrift kemst mjög langt með það og steinliggur sem Valentínusarvafflan í ár.

Þessi uppskrift er langt því fá að vera bundin við helgarnar heldur er ekkert sem bannar það að henda í eina eða tvær vöfflur á virkum dögum þegar manni langar til að dekra við bragðlaukana til að brjóta upp hverdagsleikann eða töfra fram kræsingar á dögum sem tilefni er til eins í dag Valentínúsardag. Uppskriftin gefur þér bragðgóða og saðsama vöfflu sem er stökk að utan en mjúk að innan. Það eina sem þarf er hnetusmjör og egg - einfaldara verður það ekki!

Himnesk hnetusmjörsvaffla

Hráefni fyrir hverja og eina vöfflu:

3 msk. hnetusmjör
1 egg

Aðferð:

Setjið hnetusmjörið og eggið saman í skál og blandið saman með pískara þar til blandan verður ljósbrún og þykk.
Hellið blöndunni á heitt vöfflujárn og leyfið að bakast þar til járnið gefur merki um að vafflan sé bökuð í gegn.
Takið vöffluna af járninu og setjið á disk.
Berið fram með banana, berjum, sultu, rjóma, súkkulaði, sýrópi og öllu ykkar eftirlætis meðlæti sem gera góða vöfflu enn betri.
Svo má líka prófa sig áfram með hollara meðlæti.