Hollur og góður réttur sem kemur skemmtilega á óvart, sítrusbragðið og tómatarnir koma skemmtilega út með beiskjunni í grænkálinu og parmesan osturinn gefur gott saltað bragð.

Smjörbaunir með grænkáli og tómötum

• 4-5 msk. ólífuolía
• 2 dósir smjörbaunir
• 350-400 g kirsuberjatómatar eða aðrir smáir tómatar
• u.þ.b. 250 g grænkál, stilkur tekinn frá og blöðin rifin niður
• 1 tsk. salt
• 1 tsk. chili-fræ
• 50-60 g pekanhnetur, ristaðar og gróft saxaðar
• 1 sítróna, börkur og safi úr ½
• 1 límóna, börkur og safi úr ½
• 3 hvítlauksgeirar, skornir þunnt
• ½ tsk. múskat, helst fersk múskathneta rifin yfir
• 2-3 msk. graskersfræ, ristuð
• 3-4 msk. rifinn ferskur parmesanostur
• fersk basilíka, söxuð (má sleppa)

Aðferð: 

1. Hitið 3 msk. af ólífuolíu á stórri pönnu á fremur háum hita.
2. Hellið vökvanum frá smjörbaununum og skolið, gott að þerra þær aðeins.
3. Steikið baunirnar á báðum hliðum þannig að þær brúnist vel, gott að salt aðeins.
4. Takið baunirnar af pönnunni, setjið á fat til hliðar, hafið pönnuna á hitanum og setjið tómatana út í og steikið í 2-3 mínútur eða þar til þeir fara að mýkjast vel. Hér gæti þurft að bæta við olíu.
5. Bætið nú grænkálinu saman við og steikið þar til kálið hefur minnkað í umfangi og er orðið mjúkt, saltið og setjið chili-flögurnar saman við ásamt múskatinu.
6. Bætið hvítlauknum og pekanhnetunum saman við og steikið áfram í 1-2 mínútur.
7. Setjið sítrusbörkinn út á pönnuna ásamt safanum.
8. Bætið baununum varlega saman við og blandið vel, látið malla í 1-2 mínútur.
9. Látið graskersfræin og rifinn parmesan ost ofan ásamt basilíkunni á áður en rétturinn er borinn fram. 

Tengdar fréttir

Uppskriftir

Heimsins bestu Húsó-fiskbollurnar með karrísósu

• Lavazza bauð upp á kaffi með blóðbergi
• Ómótstæðilega girnilegur Calzone
• 10 bestu hamborgararnir í tilefni sumardagsins fyrsta
• Sigurkokteilarnir geta orðið sumarsmellirnir í ár

» Fleiri tengdar fréttir

• Blogga um frétt