Lögregla í New York er að leita að bresku fyrirsætunni Naomi Campbell eftir að hún réðist á bílstjóra sinn í umferðinni á Manhattan, sló hann í höfuðið og lagði síðan á flótta.
Bílstjórinn stöðvaði Cadillac Escalade bílinn, sem hann ók og kallaði á lögreglu eftir að Campbell fékk æðiskast og réðist á hann. Að sögn lögreglu var tekin skýrsla af bílstjóranum á lögreglustöð. Ekki er enn búið að taka ákvörðun um hvort Campbell verður ákærð.
Campbell hefur oft áður lent í vandræðum vegna skapofsans. Síðast fékk hún æðiskast á Heathrow flugvelli þegar taska hennar kom ekki í leitirnar og réðist á þjónustufólk sitt og tvo lögregluþjóna. Þá var hún dæmd til 200 tíma samfélagsþjónust.
Hún þurfti einnig að sópa gólf og hreinsa salerni í bílageymslu fyrir sorpbíla á Manhattan árið 2007 eftir að hún kastaði farsíma í þjónustustúlku.
Árið
2000 var hún einnig sektuð í Toronto fyrir að slá aðstoðarstúlku í höfuðið með farsíma.