Karlmennskan leiddi hann til dauða

Maður sem starfaði við að snyrta tré lést eftir að hann sagaði í fótinn á sér þegar hann sinnti trjáskurði í Flórída í Bandaríkjunum. Maðurinn vildi klára trjáskurðinn og neitaði að koma niður úr trénu sem á endanum leiddi til þess að honum blæddi út.

Maðurinn hafði unnið við að snyrta tré í 13 ár og hafði aldrei orðið fyrir óhappi við vinnu sína. Á föstudaginn hafði hann klifrað upp í tré og rak þá vélsögina í fótinn. Skurðurinn var stór og náði alveg inn að beini.

Samstarfsmaður mannsins varð vitni að óhappinu og bað hann að koma strax niður. Hann neitað hins vegar og sagðist ætla að klára að saga greinarnar.

Kallað var eftir aðstoð neyðarlínunnar. Þegar björgunarlið mætti á staðinn var maðurinn að missa meðvitund. Hann var strax fluttur á sjúkrahús þar sem hann var úrskurðaður látinn klukkutíma síðar.

• 3 blogg um fréttina

Bloggað um fréttina

• Pétur Arnar Kristinsson: Karlmennska? Þetta kallast bara heimska (nema greinarhöf. leggi það að …
• Ólafur Ingi Hrólfsson: Karlmennska??????????????
• Axel Jóhann Hallgrímsson: Það eru enn til karlmenn, sem hvorki bergður við sár …