Þýska kvikmyndaframleiðslufyrirtækið Picture Tree International hefur keypt söluréttinn á íslensku gamanmyndinni Divine Remedy í leikstjórn þeirra Þorkels Harðarsonar og Arnar Marinós Arnarsonar. Tökur á kvikmyndinni standa nú yfir á Íslandi og einnig í vínhéraðinu Rioja á Spáni.
Divine Remedy fjallar um hóp íslenskra presta sem leggja af stað í leiðangur til að finna hið fullkomna kirkjuvín eða altarissakramentis. Áætlað er að frumsýna kvikmyndina á næsta ári.
Með helstu hlutverk fara þau Vivian Ólafsdóttir, Hilmir Snær Guðnason, Halldór Gylfason, Sverrir Þór Sverrisson og Þröstur Leó Gunnarsson.
Picture Tree International seldi nýverið réttinn að íslensku gamanmyndinni Fullt hús eða Grand Finale, sem sló heldur betur í gegn hjá kvikmyndagestum fyrr á árinu, til Þýskalands, Austurríkis, Taívan og Ástralíu.