Foreldrar Ashya King, fimm ára gamals drengs með heilaæxli sem fluttur var fárveikur af sjúkrahúsi í Bretlandi án leyfis lækna, hafa verið látnir lausir úr gæsluvarðhaldi á Spáni en þeir voru hnepptir í það í gær fyrir að hafa tekið drenginn af sjúkrahúsinu.
Haft er eftir foreldrum drengsins í frétt AFP að þeir hlökkuðu til þess að hitta hann á ný. Gefin var út alþjóðleg handtökuskipun eftir að parið fór með drenginn af sjúkrahúsinu í Bretlandi. Hann dvelur nú á sjúkrahúsi á Malaga á Spáni.
Fréttir mbl.is:
Foreldrar Ashya í gæsluvarðhald
Farið fram á framsal fjölskyldunnar
Faðirinn birti myndskeið af Ashya