Mörg börn voru meðal þeirra sem voru að horfa á blakleik í austurhluta Afganistans í gær er sprengja sprakk. Fimmtíu manns létust í árásinni, þar af sautján börn.
Ungur drengur segist í samtali við BBC hafa séð sjálfsmorðsárásarmanninn koma á mótorhjóli. Drengurinn særðist á hægri fæti í sprengingunni en náði að koma sér svo í skjól.
Afganska lögreglan segir að Haqqani-skæruliðasamtökin beri ábyrgð á sprengjuárásinni. Hópurinn er með sterk ítök á mörgum svæðum í austurhluta Afganistans og í Pakistan.
Börnin sem létust voru á aldrinum 8-14 ára. Sextíu manns særðust í árásinni.
Árásin er sú mannskæðasta í landinu undanfarin ár.
Frétt mbl.is: Blóðbað á blakmóti