Hryðjuverkasamtökin Ríki íslams tóku í það minnsta 30 óbreytta borgara af lífi í árás samtakanna á þorpið Mabujeh í Sýrlandi í dag sem var á valdi stjórnarhersins. Þar á meðal konur og tvö börn. Þetta kemur fram í frétt AFP.

Fram kemur í fréttinni að fólkið hafi meðal annars verið hálshoggið og brennt lifandi. Þetta er haft eftir mannréttindasamtökum sem starfa í Sýrlandi. Samkvæmt yfirlýsingu frá stjórnarhernum tókst honum að hrinda árás Ríkis íslams en ekki fylgdu neinar upplýsingar um mannfall. 

Mabujeh er hernaðarlega mikilvægur staður þar sem þorpið er skammt frá vegi sem er eina tenging stjórnarhersins á milli héraðanna Homs og Aleppo sem hann ræður yfir. Vígamenn Ríkis íslams hafa ítrekað reynt að klippa á þessa tengingu. 

Tengdar fréttir

Ríki íslams

Neita að tjá sig um Ríki íslams

• Vara við hugsanlegum hryðjuverkum í Moskvu
• Ekki vitað um aðra ISIS-liða
• Ríki íslams lýsir árásinni á hendur sér
• Leiðtogi Ríkis íslams sagður látinn

» Fleiri tengdar fréttir

• Blogga um frétt