Loftárásir Bandaríkjahers í Sýrlandi á síðasta ári urðu til þess að tvö börn létust. Þetta kemur fram í nýrri skýrslu um mannfall í átökunum sem fjallað er um á vef breska ríkisútvarpsins.

„Við sjáum eftir þeim lífum sem við tókum óviljandi,“ sagði liðsforinginn James Terry, stjórnandi aðgerðarinnar.

Loftárásir Bandaríkjahers á svæði nálægt borginni Harim þann 5. og 6. nóvember sl. sem var beint að hryðjuverkahópnum Khorasan urðu til þess að saklausir borgarar, þar á meðal börnin tvö, létust.

Að sögn yfirvalda hafði þó ekkert bent til þess að börn væru á svæðinu áður en árásirnar voru gerðar, en um hernaðarsvæði er að ræða. 

Í yfirlýsingu um skýrsluna kemur fram að yfirvöld hafi talið sig hafa gengið úr skugga um að aðeins vígamenn væru á svæðinu. Terry segir bandarísk hernaðaryfirvöld þó munu halda áfram að gera sitt besta við að stuðla að öryggi óbreyttra borgara.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt