Barack Obama, forseti Bandaríkjanna, ætlar að mæta í jarðaför Shimon Peres, fyrrverandi forseta Ísrael og Nóbelverðlaunahafa. Peres lést í nótt en hann fékk alvarlegt hjartaáfall fyrir hálfum mánuði. Hann hafði verið á batavegi undanfarna viku, þar til honum hrakaði á ný í gær.
Frétt mbl.is: Peres: Hetja eða stríðsglæpamaður
Samkvæmt tilkynningu frá Hvíta húsinu mun forsetinn leiða sendinefnd frá Bandaríkjunum sem mun mæta til jarðafararinnar sem haldin verður á föstudaginn.
Meðal annara leiðtoga sem hafa tilkynnt um að þeir muni mæta eru Francois Hollande, forseti Frakklands, Joachim Gauck, forseti Þýskalands, Bill Clinton, fyrrverandi forseti Bandaríkjanna og Karl Bretaprins.