George H.W. Bush, fyrrverandi forseti Bandaríkjanna, hefur verið fluttur af gjörgæsludeild. Hann gæti fengið að fara heim af sjúkrahúsi á föstudaginn eða um helgina. Þetta segja læknar hans.
Eiginkona Bush, Barbara, hefur verið útskrifuð af sjúkrahúsinu.
Frétt mbl.is: George Bush eldri lagður inn á spítala
Hjónin voru flutt á sjúkrahúsið Houston Methodist á miðvikudaginn í síðustu viku. Bush, sem er 92 ára, var með öndunarerfiðleika í kjölfar lungabólgu. Barbara Bush, sem er 91 árs, var lögð inn vegna hósta.
Forsetinn fyrrverandi var barkaþræddur til að fá aðstoð við öndun en getur núna andað af sjálfsdáðum.