Breskir fjölmiðlar hafa birt myndbönd úr eftirlitsmyndavélum sem sýna þegar árásarmaður ekur bíl sínum á miklum hraða um Westminster-brúna skammt frá þinghúsinu í London og á allt sem á vegi verður. Á myndböndunum má sjá þegar kona stekkur í ána Thames. Hún fannst síðar á lífi í ánni.

Árásin átti sér stað í gærdag.

Árásarmaðurinn, sem var síðar skotinn til bana, drap tvo gangandi vegfarendur með þessu athæfi sínu. Hann ók svo bíl sínum að þinghúsinu þar sem hann fór út úr honum og reyndi að komast inn, vopnaður hnífi.

Þar stakk hann óvopnaðan lögreglumann til bana. 

Í fyrstu var talað um að árásarmaðurinn hefði banað fjórum í árásinni en nú kemur fram í breskum fjölmiðlum að líklega hafi fórnarlömbin verið þrjú.

Tengdar fréttir

Árás við þinghúsið í London

Munu kalla mig hryðjuverkamann

• Handtekinn með hnífa við Westminster
• Sjötta manneskjan látin í London
• Prinsinn ræddi við eftirlifendur
• Ekkja Masood segist miður sín

» Fleiri tengdar fréttir

• Blogga um frétt