Björgunarsveitir í Redcar í Teesside á Englandi fengu óvenjulegt útkall í gær. Selskópur var kominn á tröppurnar fyrir utan fjölbýlishús.

Kópurinn virtist ringlaður og áttavilltur en Redcar er við Norðursjó og hafði kópurinn að öllum líkindum villst þaðan.

Björgunarsveitir fóru á vettvang og náðu að koma kópnum í hundabúr og fara með hann á ströndina þar sem honum var sleppt aftur út í hafið. Kópurinn var auðvitað frelsinu feginn.

Í frétt Telegraph um málið segir að ekki sé vitað hvers vegna kópurinn var kominn að húsinu en þetta er ekki í fyrsta skipti sem selur villist inn í bæinn.

Tengdar fréttir

Krúttleg dýr

Úr fatahönnun í nám í dýrahjúkrun

• Íslenskir hestar og hundar frá Gasa á JFK-flugvelli
• Blóðgjöfin sem bjargaði hundslífi
• Hundur gaf hundi blóð
• Lúrði á staurnum og opnaði augun annað slagið

» Fleiri tengdar fréttir

• Blogga um frétt