Reiðir ökumenn ollu stórslysi (myndskeið)

Reiði ökumanna, annars á mótorhjóli og hins á fólksbíl, varð þess valdandi að fólksbíllinn klessti á vegg og skaust þaðan á pallbíl með þeim afleiðingum að pallbíllinn endaði á hvolfi. Atvikið átti sér stað á hraðbraut í Kaliforníu í Bandaríkjunum á miðvikudag.

Chris Traber og Tim Morrison voru á leið til vinnu þegar þeir tóku eftir því að bíllinn svínaði fyrir mótorhjólið. Traber tók þá upp símann og tók framhaldið upp.

Myndskeiðið sýnir mótorhjólið keyra nálægt bílnum og maðurinn á mótorhjólinu reynir að sparka í bílinn. Ökumaður bifreiðarinnar beygir þá í átt að mótorhjólinu en á sama tíma færir mótorhjólið sig frá bílnum.

Bíllinn klessir á vegg og neistar fljúga. Hann snýst síðan í hina áttina og klessir á pallbíl, sem endar á hvolfi. Eldri maður sem keyrði pallbílinn var fluttur á sjúkrahús með höfuðáverka.

Ökumaður mótorhjólsins forðaði sér af vettvangi en manninum sem keyrði fólksbílinn var mjög brugðið eftir atvikið.

This road rage happened during rush hour in Santa Clarita, California. The truck driver was taken to hospital with a gash on his head pic.twitter.com/BWbTbNhrLE

— Sky News (@SkyNews) June 23, 2017

• 1 blogg um fréttina

Bloggað um fréttina

• Ómar Ragnarsson: Of tilfinningaþrungin umferð.