Rosenstein á förum?
Setja bókamerki
Rod Rosenstein, aðstoðardómsmálaráðherra Bandaríkjanna, mun vera á leið í Hvíta húsið þar sem hann býst við því að honum verði sagt upp störfum. Frá þessu greinir bandaríska fréttastofan AP. Fréttastofan Axios segir hins vegar að Rosenstein hyggist í Hvíta húsinu segja sig frá embættinu og hefur það eftir ónafngreindum heimildum.
New York Times hafði í síðustu viku eftir nafnlausum heimildarmönnum að Rosenstein hefði lagt til að hljóðupptaka yrði tekin af forsetanum með leynd, til að svipta hulunni af ringulreiðinni sem ríki í Hvíta húsinu.
Er tillagan sögð hafa verið sett fram á þeim tíma er Trump rak James Comey, þáverandi forstjóra bandarísku alríkislögreglunnar FBI.
Comey hafði á þeim tíma yfirumsjón með rannsókn FBI á tengslum framboðs Trumps og rússneskra ráðamanna. Vísaði Trump til „Rússamálsins“ þegar hann var spurður um ákvörðun sína að reka Comey.
Að sögn New York Times á Rosenstein að hafa rætt um að fá ráðherra stjórnarinnar til að skírskota til 25. greinar stjórnarskrárinnar sem kveður á um að fjarlægja megi forseta úr embætti reynist hann óhæfur til að gegna starfinu.
Á Rosenstein að hafa lagt þetta til á fundum, sem og í samræðum dómsmálaráðuneytisins og FBI.
Hann hefur hins vegar neitað þessu alfarið.
Væri að ljúga ef ég segðist ekki stressaður
„Höfum ekki náð að skríða upp úr þeirri gryfju“
Gígbarmurinn hækkað frá því í gær
/frimg/1/48/74/1487454.jpg)
Heldur inn í nóttina tuttugu kílóum léttari
„Umsátursástand“
Eyjafjarðarbraut lokað vegna alvarlegs umferðarslyss
Skar höfuðleðrið af íslenskri konu
Tveir í bílnum sem lenti utan vegar