Ricardel færð til í starfi
Setja bókamerki
Mira Ricardel, sem var aðstoðar-þjóðaröryggisráðgjafi Bandaríkjanna, hefur verið flutt til í starfi en greint var frá því fyrr í vikunni að Ricardel og forsetafrú Bandaríkjanna, Melania Trump, hafi tekist á og sú síðarnefnda krafist þess að Ricardel yrði rekin úr starfi.
Talskona forsetaembættisins, Sarah Sanders, greindi frá því í tilkynningu í gærkvöldi að Ricardel væri að taka við nýju starfi á vegum stjórnvalda en ekki er gefið upp hvert starfið er. Melania Trump sagði fyrr í vikunni að Ricardel ætti ekki skilið þann heiður að starfa fyrir forsetaembætti Bandaríkjanna. Deilur þeirra tveggja ná aftur til Afríkuferðar í október.
Bandarískir fjölmiðlar greindu frá því fyrr í vikunni að deilan hafi snúist um sætaskipan í flugferð Trump til Afríku. Í viðtali við ABC í Afríkuferðinni sagði Melania Trump að það væri fólk sem starfaði í Hvíta húsinu sem hún treysti ekki. Hún sagðist hafa veitt eiginmanni sínum ráðleggingar á þessu sviði en það væri í hans höndum að taka ákvarðanir varðandi starfsfólk.
Wall Street Journal greindi frá því að starfsfólk Trumps teldi að Ricardel stæði á bak við ýmsar neikvæðar fréttir um Melaniu og starfsfólk hennar.
Talið er að Donald Trump ætli sér að hreinsa til í Vesturálmu Hvíta hússins og eru þar nefndir til sögunnar John Kelly, starfsmannastjóri Hvíta hússins, eða ráðuneytisstjóri þjóðaröryggisdeildar, Kirstjen Nielsen.
Ricardel var ráðin til starfa af þjóðaröryggisráðgjafa Bandaríkjanna, John Bolton, og hefur starfað áratugum saman hjá bandarískum stjórnvöldum. Þar á meðal í varnarmáladeildinni undir forsæti George W. Bush sem og hjá Bob Dole þegar hann var leiðtogi repúblikana í öldungadeildinni.
Nemendur í HÍ reistu tjaldbúðir án leyfis
Banna mengandi búnað sem leyfður er á Íslandi
Strand skemmtiferðaskips kallar á erlenda aðstoð
Væri að ljúga ef ég segðist ekki stressaður
Telur forsendur fyrir vaxtalækkun
Mál hjúkrunarfræðingsins fer aftur fyrir héraðsdóm
Þyngri refsing fyrir að nauðga stjúpdóttur æskuvinar