Tveir í lífshættu eftir mótmæli dagsins
Setja bókamerki
Tveir liggja lífshættulega slasaðir á sjúkrahúsum í Hong Kong eftir mótmæli dagsins, sem voru afar ofbeldisfull ef marka má fréttaflutning.
Greint var frá því í morgun að mótmælandi hefði verið skotinn af stuttu færi af lögregluþjóni, en hann er sá þriðji sem orðið hefur fyrir byssuskoti frá lögreglu í mótmælunum sem nú hafa staðið yfir í 24 vikur.
Kveikt í stuðningsmanni kínversku stjórnarinnar
Síðar í dag varð stuðningsmaður Kínastjórnar svo fyrir hrottalegri árás eftir að hafa rifist við mótmælendur. Hann var þakinn eldfimum vökva og í honum var kveikt.
Mótmælendur krefjast aukins lýðræðis fyrir Hong Kong. Carrie Lam, leiðtogi heimastjórnar Hong Kong, sagði á blaðamannafundi eftir mótmæli dagsins að mótmælendur væru óvinir fólksins. Sagði hún það óskhyggju að halda að stjórnvöld í Hong Kong myndu láta undan vegna aukins ofbeldis í mótmælunum. „Ég segi það hér, hátt og skýrt: það gerist ekki.“
Handteknir eftir myndatöku í Vesturbæjarlaug
Krefjast stöðvunar framkvæmda
Nemendur í HÍ reistu tjaldbúðir án leyfis
„Höfum ekki náð að skríða upp úr þeirri gryfju“
Gígbarmurinn hækkað frá því í gær
Banna mengandi búnað sem leyfður er á Íslandi
Skar höfuðleðrið af íslenskri konu
Shakespeare fannst í skókassa