Telur að Rússar herði sókn sína í norðaustri
Setja bókamerki
Volodimír Selenskí Úkraínuforseti telur að Rússar eigi eftir að herða sókn sína í norðausturhluta Úkraínu. Hann segir einnig að Úkraínumenn hafi aðeins fjórðung af þeim loftvörnum sem herinn þurfi til að vera á pari við innrásarlið Rússa.
Þetta kemur fram í viðtali Selenskís við AFP-fréttaveituna.
Rússneskar hersveitir hófu óvænta árás á Karkív-hérað 10. maí sem hefur skilað þeim mestu landvinningum í Úkraínu í eitt og hálft ár.
Verðum að halda einbeitingu
„Ég segi ekki að þetta hafi verið mikill árangur [fyrir Rússa] en við verðum að halda einbeitingu og vera undirbúin fyrir það að þeir séu að færa sig lengra inn á landsvæði okkar,“ segir hann.
Rússneskar hersveitir í Úkraínu hafa sölsað undir sig 278 ferkílómetra landsvæði síðan þær settu aukinn kraft í hernað sinn í norðausturhluta Karkív-héraðs og í suðurhluta landsins, samkvæmt útreikningum AFP út frá gögnum frá stofnun sem rannsakar hernað, Institute for the Study of War (ISW).
Úkraína þurfi 120-130 F-16 orrustuþotur
Selenskí ítrekaði beiðni til bandamanna um að senda fleiri loftvarnarkerfi og orrustuþotur til að berjast gegn yfirburðum Rússlands í lofti.
„Í dag höfum við um 25 prósent af því sem við þurfum til að verja Úkraínu. Ég er að tala um loftvarnir,“ sagði hann.
Úkraína þurfi 120-130 F-16 orrustuþotur eða aðrar háþróaðar flugvélar til viðbótar.
Katrín og Halla Tómasdóttir að stinga af
Fékk ekki að kjósa á kjörstað
Beint: Talið upp úr kjörkössunum
„Fyrr dett ég niður dauður“
/frimg/1/49/60/1496092.jpg)
„Það er ekki leiðum að líkjast“
Mest spennandi kosningar síðan 1980
„Ég bara hreinlega sagt man það ekki“
/frimg/1/49/61/1496139.jpg)
„Þetta er sannkölluð lýðræðisveisla“