Nærri 400 Írakar voru drepnir og margir særðust að auki í júní í Írak, í óeirðum sem áttu sér stað rétt áður en Írakar fengu fullveldi, að því er íraska heilbrigðisráðuneytið skýrði frá í dag. 388 Írakar dóu og um 1.680 særðust í árásum, hernaðaraðgerðum og vopnuðum átökum rétt áður en valdaframsal fór fram í landinu, 28. júní, að sögn ráðuneytisins.

Þrátt fyrir að ofbeldinu hafi heldur linnt frá því það átti sér stað, hafa 120 Írakar látist og 354 særst í átökum undanfarna 10 daga.

Iyad Allawi, forsætisráðherra Íraks, undirritaði í gær ný þjóðaröryggislög í landinu. Þau veita honum heimild til þess að grípa til ýmissa aðgerða til að binda enda á árásir uppreisnarmanna. Meðal annars gera þau honum kleift að setja á herlög á svæðum þar sem uppreisnarástand ríkir.

Tengdar fréttir

Stríð í Írak

25.000 flóttamenn hafa snúið aftur til Írak

• Tíu létust í tveimur sjálfsvígsárásum í Bagdad
• Blair neitar því að borgarastyrjöld ríki í Írak
• Meirihluti Dana styður brotthvarf hermanna frá Írak
• Fjórir íraskir hermenn ákærðir fyrir nauðgun

» Fleiri tengdar fréttir

• Blogga um frétt