Shaul Mofaz, varnarmálaráðherra Ísraels, segir að Ísraelsmenn séu reiðubúnir að afhenda Palestínumönnum stjórn öryggismála í nokkrum borgum á Vesturbakkanum á næstu dögum. Mofaz og Mohammed Dahlan, yfirmaður öryggissveita Palestínu, ræddu málið í gær og var fundur þeirra sagður jákvæður.
Palestínumenn hófu í síðustu viku að taka yfir stjórn öryggismála á Gasasvæðinu eftir að herská samtök Palestínumanna féllust á óformlegt vopnahlé. Er vonast til að hægt verði að endurvekja friðarferlið í Miðausturlöndum.
Búist er við að Palestínumenn taki við stjórn öryggismála í borgunum Ramallah, Betlehem, Tulkarm, Qalqilya og Jeríkó í vikunni.