Portúgalskur stjórnandi lögreglurannsóknar á hvarfi Madelene rekinn

Lögregluforinginn Gonçalo Amaral, sem hefur stýrt rannsókn á hvarfi ensku stúlkunnar Madelene McCann hefur verið leystur frá störfum sem yfirmaður lögreglunnar í Portimao í Portúgal. Þá mun Amaral ekki lengur stýra rannsókn portúgölsku lögreglunnar á hvarfi ensku stúlkunnar.

Sky News fréttastofan segir frá þessu og segir ástæðuna vera yfirlýsingar, sem Amaral hefur gefið opinberlega um málið. Fyrr í dag sakaði Amaral þau Kate og Gerry McCann, foreldra Madelene, um að reyna með öllum ráðum að hafa áhrif á rannsóknina og villa um fyrir lögreglunni á Englandi sem einnig er að rannsaka málið.

Amaral sagði, að bresku lögreglunni yfirsæist, að McCannhjónin hefðu stöðu grunaðra í málinu. En portúgalska lögreglan er sögð sannfærð um að hjónin hafi orðið dóttur sinni að bana fyrir slysni og reynt að fela það með ýmsu móti.

• 1 blogg um fréttina

Bloggað um fréttina

• Gísli Foster Hjartarson: Spjátrungur