„Sérlega vel að þessu staðið“

Jónína Bjartmarz umhverfisráðherra kom á vettvang við Hvalsnes núna rétt fyrir kl. 18 til þess að fylgjast með lokum á björgun Wilson Muuga, en þá var skipið komið vel út á sjó. Hún sagði að björgunin væri til marks um fumlaus vinnbrögð og góðan undirbúning. „Þetta er fagnaðarefni fyrir okkur öll og það var sérlega vel að þessu staðið,“ sagði ráðherra.

Dráttarbátarnir hófu að draga skipið rétt fyrir kl. 17 og kl. 17:28 var það komið út fyrir erfiðasta staðinn, þar sem skerin liggja.

Fjölmargir voru búnir að koma sér fyrir í Hvalsnesi til þess að fylgjast með björgunaraðgerðunum og mikil fagnaðarlæti brutust út á ströndinni þegar skipið náðist á flot.

Wilson Muuga dregið á flot nú síðdegis. mbl.is/Ómar

Fólk hafði safnast saman á ströndinni við Hvalsnes til þess að fylgjast með björgunaraðgerðum. mbl.is/Ómar

• 1 blogg um fréttina

Bloggað um fréttina

• Sveinn Atli Gunnarsson: Góð tíðindi