Hraungos er líklega hafið í gígnum á Eyjafjallajökli, að sögn Veðurstofu Íslands. Miklar sprengingar eru í honum og slettur á stærð við jeppa, að sögn sjónarvotts, sem flaug yfir svæðið á þyrlu. Hann mat einnig að mökkurinn hefði náð í 8-10.000 feta hæð og bólstrar farið upp í 15-17.000 fet.

Kl. 8:50 fór mökkurinn í 4 km hæð. Lægri gosmökkur bendir til þess að vatn komist ekki lengur í gíginn og hraunflæði sé hafið. Veðurstofan segir að óróinn sem jókst kl. 4 í nótt geti gefið til kynna að hraun sé byrjað að renna úr gígnum.

Engar hreyfingar voru undir Mýrdalsjökli. Gosvirknin virðist breytast lítið, að sögn Veðurstofunnar.

Gosmökkurinn náði í morgun kl. 07:00 í um 2 km hæð og sást hann ekki á ratsjá Veðurstofunnar. Mökkinn leggur beint í suður enda stíf norðanátt.Laus aska fýkur af Mýrdalsjökli.

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 3 blogg um fréttina

Bloggað um fréttina

• Haraldur Haraldsson: Hraungos líklega hafið ?????
• Njörður Helgason: Jákvæð breyting á gosinu.
• Jón Snæbjörnsson: Hraungos líklega hafið