Bæjaryfirvöld í Fjallabyggð og lögreglustjóraembættið á Norðurlandi eystra hafa komið sér saman um lausn á ágreiningi vegna greiðslu löggæslukostnaðar vegna bæjarhátíðarinnar Síldarævintýrið á Siglufirði 2016. Bæjarráð Fjallabyggðar fundaði í hádeginu vegna málsins. Því er ljóst að Síldarævintýrið verður haldið í ár eins og venjan er.

Óvissa ríkti um hvort lögreglan myndi gefa hátíðinni jákvæða umsögn fyrir sýslumanni. Slík umsögn er forsenda skemmtanaleyfis.

Frétt mbl.is: Verður ævintýrið haldið í óleyfi?

„Fjallabyggð mun ekki greiða umræddan löggæslukostnað nema æðra stjórnvald eða dómstólar ákveði að Fjallabyggð beri að greiða þennan kostnað. Fjallabyggð mun eðlilega hlíta þeim úrskurði,“ segir á vefsíðu Fjallabyggðar.

„Lögreglustjóraembættið mun í framhaldi af þessari ákvörðun bæjarráðs gefa út jákvæða umsögn til sýslumannsembættisins varðandi tækifærisleyfi fyrir hátíðina. Gott samstarf hefur ávallt verið á milli bæjaryfirvalda í Fjallabyggð og lögreglunnar á Norðurlandi eystra og verður það óbreytt, þrátt fyrir framangreindan ágreining.“

Á fundi bæjarráðs var lagt fram bréf innanríkisráðuneytis, dagsett í gær, þar sem fram kemur að kvörtun Fjallabyggðar vegna umsagnar embættis lögreglustjóra Norðurlands eystra út af umsókn um tækifærisleyfi fyrir bæjarhátíðina hafi verið framsend atvinnu- og nýsköpunarráðuneytinu til þóknanlegrar meðferðar.

Samkvæmt Gunnari Birgissyni, bæjarstjóra Fjallabyggðar, setti lögreglustjórinn á Norðurlandi eystra sem skilyrði að bærinn borgi löggæsluskatt upp á 180 þúsund krónur. Því hafnaði bærinn og sagði að engin lagastoð væri fyrir innheimtunni.

Tengdar fréttir

Verslunarmannahelgin

Sjáðu myndirnar frá hátíðum helgarinnar

• Búið að fjarlægja rútuna
• Rólegheit og þolinmæði gott veganesti í dag
• Þrjár líkamsárásir í Eyjum gær
• Hélt bolta á lofti í tæpan hálftíma

» Fleiri tengdar fréttir

• 1 blogg um fréttina

Bloggað um fréttina

• Sumarliði Einar Daðason: Fagleg niðurstaða Fjallabyggðar og lögreglu