„Þetta er ekki rétt, en við vorum svo sannarlega engir vinir. Það er staðreynd,“ segir von Trier í viðtali við Jyllands-Posten. Mjög hefur verið fjallað um facebookfærslu Bjarkar um helgina og hafa fjölmiðlar um allan heim birt fréttir af henni.

Í færslunni segir Björk að ásakanir á hendur bandaríska kvikmyndaframleiðanum Harvey Weinstein séu tilefni þess að hún ákvað að segja sína sögu, því hún hafi áttað sig á að þetta þyki sjálfsagður hlutur og viðtekin venja meðal kvikmyndaframleiðenda. Að áreita leikkonur. 

Björk hefur ekki leikið í fleiri kvikmyndum en Dancer in the Dark en fyrir leik sinn hlaut hún verðlaunin í Cannes árið 2000. Myndin fékk einnig Gullpálmann það sama ár.

Í gær sagði framleiðandi myndarinnar, Peter Aalbæk Jensen, að hann og von Trier væru fórnarlömb Bjarkar. Hann sagði að hún hefði stýrt öllu á tökustað og hann hefði drukkið flösku af viskíi á dag þar sem hann óttaðist að ekkert yrði af myndinni vegna Bjarkar.

Þetta er ekki í fyrsta skipti sem von Trier hefur verið miðpunktur deilna. Hann var rekinn af kvikmyndahátíðinni í Cannes árið 2011 fyrir að segja á blaðamannafundi að hann fyndi til samkenndar með Adolf Hitler. Hann baðst síðar afsökunar á ummælum sínum. 

Frétt af mbl.is

„Allt í lagi, ég er nasisti“

Frétt af mbl.is

Lars von Trier hættur að drekka og dópa