Fjórmenningarnir sem eru til rannsóknar vegna líkamsárásar og frelsissviptingar á Akureyri hefur öllum verið sleppt úr haldi. Gæsluvarðhaldsúrskurður yfir mönnunum rann út klukkan þrjú í dag en þremur þeirra var sleppt í gærkvöldi og einum í dag, samkvæmt upplýsingum frá Bergi Jónssyni, lögreglufulltrúa hjá lögreglunni á Norðurlandi.
Frétt mbl.is: Landsréttur staðfestir gæsluvarðhald
Rannsókn málsins stendur enn yfir, en ekki þykir þjóna rannsóknarhagsmunum að fara fram á áframhaldandi gæsluvarðhald yfir fjórmenningunum. Upphaflega voru sex menn handteknir í umfangsmiklum aðgerðum lögreglu á Akureyri fyrir um viku síðan. Yfirheyrslur leiddu til þess að tveimur var sleppt úr haldi.
Bergur segir í samtali við mbl.is að búið sé að ná utan um atburðarrásina, nú sé verið að vinna úr þeim gögnum sem hefur verið aflað.