Um 2.400 manns störfuðu hjá starfsmannaleigum á fyrstu fimm mánuðum ársins. Þetta er fjölgun um 40% frá síðasta ári og um fimmföld fjölgun frá árinu 2016.
Atvinnulausum erlendum ríkisborgurum hefur einnig fjölgað úr 963 í 1.396 milli ára. Þetta er hæsta atvinnuleysistíðni í þessum hópi frá byrjun ársins 2014.
Vinnumálastofnun gaf út 119 atvinnuleyfi vegna skorts á vinnuafli árið 2016 og Gísli Davíð Kristjánsson, sérfræðingur hennar, segir skort vera á starfsmönnum á Íslandi, að því er fram kemur í umfjöllun um mál þetta í Morgunblaðinu í dag.