Aumingja Ísland gjaldþrota

Félagið Aumingja Ísland ehf. hefur verið tekið til gjaldþrotaskipta. Þetta kemur fram í tilkynningu í Lögbirtingablaðinu.

Félagið var stofnað árið 2011 og var tilgangur þess framleiðsla á heimildarmyndinni Aumingja Ísland. Ennfremur kaup og sala fasteigna og rekstur þeirra, lánastarfsemi og nauðsynleg umsvif í því sambandi.

Ari Alexander Ergis Magnússon kvikmyndargerðarmaður leikstýrði myndinni, sem fjallaði um íslenska þjóðarsál, eins og kynnt var þegar myndin var frumsýnd 2016. „Þegar bankakerfið á Íslandi hrundi 2008 fór Ari Alexander að mynda atburðarásina og reyna að átta sig á afleiðingunum fyrir íslenskt samfélag.“ Benedikt Erlingsson leikari leiddi frásögnina sem sögumaður

Skiptastjóri þrotabúsins er Þ. Skorri Steingrímsson lögmaður. Lýsa þarf kröfum í búið innan tveggja mánaða.