Tveir teknir fyrir líkamsárás

Tveir menn voru handteknir í Austurborginni í hádeginu í dag, grunaðir um líkamsárás og fleira, án þess að fram komi í dagbók lögreglu hvað fleira þeir kunni að hafa haft á samviskunni.

Líkamsárásin var þó ekki alvarlegri en svo að áverkar ætlaðs brotaþola voru ekki skráðir.

Mennirnir voru færðir í fangageymslu lögreglu, bæði í þágu rannsóknar málsins, en eins vegna ástands þeirra, sem ekki þótti upp á marga fiska.

Því ótengt stöðvaði miðbæjarlögreglan bíl í dag og tók ökumanninn úr umferð. Hann er grunaður um akstur bifreiðar undir áhrifum fíkniefna, ítrekaðan akstur án ökuréttinda, brot á vopna- og lyfjalögum, og fleira.

• Blogga um frétt