7.187 hafa kosið utan kjörfundar
Setja bókamerki
Talsvert færri hafa kosið utan kjörfundar í ár heldur en í forsetakosningunum 2020, en atkvæði eru orðin 7.187 um land allt.
Þetta segir Sigríður Kristinsdóttir sýslumaður á höfuðborgarsvæðinu í samtali við mbl.is.
Á höfuðborgarsvæðinu hafa 4.653 kosið utan kjörfundar, en til samanburðar við forsetakosningar 2020, sem voru þær fjölmennustu til þessa, höfðu 7.329 kosið utan kjörfundar á höfuðborgarsvæðinu á sama tíma.
Fleiri frambjóðendur og fyrri dagsetning skýring
Sigríður telur tvær mögulegar skýringar vera á muninum. Fjöldi frambjóðenda hefur áhrif á ákvörðunartöku hjá fólki en í ár eru 12 í framboði til samanburðar við tvo, þar með talið sitjandi forseta, árið 2020.
Breytt dagsetning á forsetakosningum er önnur ástæða fyrir minni aðsókn. Kjördagur forsetakosninga 2020 var í lok júní eftir lokun skóla og ástæða meiri aðsóknar í utan kjörfundar kosningar vegna sumarfrís. Kjördagur í ár er fyrir sumarfrí, eða 1. júni, og því líklegt að fleiri muni kjósa á kjördag.
Aðsókn eykst
Líklegt er að aðsókn muni aukast á næstu vikum, en samtals greiddu 449 atkvæði í gær á höfuðborgarsvæðinu.
Áfram í haldi grunaður um manndráp
2,6 stiga skjálfti nálægt Geysi
Segjum líka „þetta reddast“
Halla nái að sannfæra þau sem kusu hana ekki
Horfðu hér: Ræða Höllu á svölunum
Spáð slæmu og langvinnu norðanveðri
„Rétt niðurstaða og eftir væntingum“
Hraunið „bunkast upp“ við gígana